አንዲት አስተያየት፤ አቶ ኦባማ ለወይዘሪት ኢትዮጵያ ምኗ ናቸው!? Abetokichaw

ዛሬ የወዳጃችን ሰላማዊት በቀለ ፌስ ቡክ ላይ እንዲህ አይነት ነገር አነበብኩ። እውነትም ብዬ እኔም ቀጠልኩበት፤

የአክሱም ሀውልት ለደቡብ ምኑ ነው? አሉ መለስ! በቅርቡ የሚሞት የሚቀርባቸው ሰው ካለ “የአክሱም ሀውልት ለደበቡ ብዙ ነገሩ ነው። ምክንያቱም አክሱም ያለው ኢትዮጵያ ውስጥ ነውና!” ብሎ ይንገርልኝ። በቅርቡ የሚሞት የሚቀርባቸው ሰው ከሌለ ግን እኔ ራሴ ስሞት ሄጄ እነግራቸዋለሁ። እዛም ደግሞ ሞተው ካልጠበቁኝ…!

የአሜሪካ ምርጫ በባራክ ኦባማ አሸናፊነት ተጠናቋል። ተቀናቃኛቸው አቶ ሮምኒ እንኳን ደስ አልዎት ብለዋቸዋል። እኛም እንኳን ደስ አለዎት እንበላቸው፤ በቅንፍም (ይሄ ነገር ቀላል ያስቀናል እንዴ…!? ) ብለን እንቅና…!

ግን የኦባማ መመረጥ አለመመረጥ ለኢትዮጵያ ምኗ ይሆን!? ምናልባት ጠይምነታቸው እኛን ስለሚመስል ካልሆነ በስተቀር ከአሜሪካ ጥቅም ውጪ ለእኛ ቀና ደፋ ይላሉን!? አይሉም። እውነት እውነት እላችኋለሁ ነጩ ሮምኒም ሆኑ ጠይሙ ኦባማ የአሜሪካ ጉዳይ እንጂ የኢትዮጵያ ጉዳይ እንደማይገዳቸው አስመልክቶኛል!

“አስታውሳለሁ…. መቼ ረሳለሁ” የዛሬ አራት አመት የባራክ ኦባማ ምርጫ በኢትዮጵያ እና በኢትዮጵያውያን ዘንድ የቤተሰብ ጉዳይ እስኪመስል ድረስ በእያንዳንዱ ጎጆ መነጋገሪያ ሆኖ ነበር። እኔን ጨምሮ በርካቶችም ኦባማ ሆይ አንናፍቅሃለን! ብለናቸው ነበር።

ኦባማ እንደናፈቅናቸውም መጡ። ግን ምን አደረጉልን!?

ጠቅላይ ሚኒስትራችንን በሰላም ከተቀመጡበት ቤታቸው “የግብርና ምርት አሳድገሃል እና ልምድህን ለሌሎች አካፍል” ብለው ጠርተዋቸው ጠቅላያችን ምንም ሳይጠረጥሩ ሄደው ለሞት በቁ! ከዚህ ውጪ ምን አደረጉልን….!?

ዛሬም ከምርጫው በፊት በነበሩት ቀናት እና አሁንም ከድሉ በኋላ በአዲሳባ የሚገኙ ኤፍኤም ራዲዮኖች እና ፌስ ቡክ ወዳጆቻችን ሁሉ ስለ ኦባማ አብዝተው እየተጨነቁ እና እየተደሰቱ ነው።

ይኸው አቶ ኦባማ ተመርጠዋል…! ደግመን እንጠይቅ አቶ ኦባማ ለወይዘሪት ኢትዮጵያ ምኗ ናቸው!?

ይልቅስ የአዲሳባ ምርጫ መቼ ነው!?

የራሳችን ኦባማ ናፈቀኝ! ብልስ…!?

Source. Abetokichaw

Advertisements

About Legesse Habtegiorgis

I wish to see democratic ethiopia.
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s