በመንግስት አና በ ኦብነግ መካከል የተጀመረው ድርድር ሳይሳካ ቀረ

ጥቅምት ፰ (ስምንት) ቀን ፳፻፭ ዓ/ም

ኢሳት ዜና:-ለድርድሩ መደናቀፍ አንድኛቸው ሌለኛቸውን ተጠያቂ እያደረጉ ነው።በኢትዮጵያ መንግስትና በኦጋዴ ብሔራዊ ነፃነት ግንባር መካከል የተጀመረው ድርድር አለመሳካቱን የኢትዮጵያ መንግስት ገለጸ።

ናይሮቢ ሚገኘው የ ኢትዮጵያ ኤምባሲ ባወጣው መግለጫ ድርድሩ የከሸፈው ኦብነግ የ ኢትዮጵያን ህገ-መንግስት ባለመቀበሉ ነው ሲል፤ኦብነግ በበኩሉ ባወጣው መግለጫ፤ አላስፈላጊ ቅደመ-ሁኔታዎችን በማስቀመጥ በድርድሩ ላይ እንቅፋት የፈጠረው የኢትዮጵያ መንግስት መሆኑን ገልጿል።

በጀነራል መሀመድ ኡስማን ከሚመራው የ ኦብነግ አንድ ክፍል ጋር እንደ ፈረንጆቹ አቆጣጠር ከ ኦክቶበር 15 እስከ 17-2012 ድረስ በናይሮቢ ድርድር ሲደረግ መቆየቱን የገለፀው የኢትዮጵያ መንግስት፤ይሁንና ኦብነግ ህገ-መንግስቱን ባለመቀበሉና በህገ-መንግስታዊው ማዕቀፍ ስር ሆኖ ለመስራት ባለመፈለጉ ድርድሩ ተቋርጧል ብሏል።

ከ ኦብነግ አመራሮች ጋር ድርድር ሲያደርግ የነበረው በመከላከያ ሚኒስትሩ በ አቶ ሲራጅ ፈርጌሳ የተመራ የልዑካን ቡድን እንደነበር በመግለጫው ተጠቁሟል።

ከ ኢትዮጵያ መንግስት ጋር ድርድር የጀመረው ኦብነግ ባወጣው መግለጫ  ግን ፤አላስፈላጊ ቅድመ-ሁኔታ በማስቀመጥ የሰላም ድርድሩ ላይ እንቅፋት የፈጠረው ያለው የ ኢትዮጵያ መንግሰት ነው ብሏል።

የኦብነግ ልዑካን ቡድን መሪ የሆኑት የድርጅቱ የውጪ ግንኙነት ሀላፊ አቶ አብዲራሂም ማህዲ እንዳሉት የኢትዮጵያ መንግስት  ባቀረበው  የ እንደራደር ጥያቄ መሰረት በኬንያ አደራዳሪነት ሲካሄድ የነበረው ድርድር የተደናቀፈው በራሱ በኢትዮጵያ መንግስት ነው።

በመጀመሪያው ዙር መደበኛ ውይይት በ አጠቃላይ የውይይቱ መርህ፣ ሞዳሊቲና አጀንዳዎች ዙሪያ የነበረው ንግግር በጥሩ ሁኔታ ቀጥሎ እንደነበር ያወሳው ኦብነግ፤ በሁለተኛው ዙር ውይይት ላይ ግን የ ኢትዮጵያ መንግስት የተስማማባቸውን ነጥቦች ሊያከብር አልቻለም ብሏል።

በድርድር መርህ መሰረት በ እኩልነትና በመተማመን ላይ የተመሰረተ ድርድር መደረግ ቢኖርበትም የ ኢትዮጵያ መንግስት ግን ከዚህ መርህ ውጪ አላስፈላጊ ቅድመ ሁኔታዎችን በማስቀመጡ ድርድሩ መደናቀፉን ከግንባሩ መግለጫ ለመረዳት ተችሏል።

የኦብነግ የውጭ  ግንኙነት ሃለፊ የሆኑት አቶ ሀሰን አብዱላሂ ከኢሳት ጋር አጭር ቆይታ አድርገዋል

Advertisements

About Legesse Habtegiorgis

I wish to see democratic ethiopia.
This entry was posted in Ethiopia news. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s