ኢትዮጵያውያን እስረኞች በአስከፊ የስቃይ ሁኔታ እንደሚገኙ ስዊድናውያኑ ጋዜጠኞች አጋለጡ

መስከረም ፭ (አምስት) ቀን ፳፻፭ ዓ/ም

ኢሳት ዜና:-የታሰሩት ኢትዮጵያውያን ጋዜጠኞችና የፖለቲካ እስረኞች በአስከፊ የስቃይ ሁኔታ እንደሚገኙ ስዊድናውያኑ ጋዜጠኞች አጋለጡ።

ባለፈው ዓመት ሐምሌ ወር ወደ ኦጋዴ ክልል በመግባት በአካባቢው እየተፈጸመ ያለውን የሰብዓዊ መብት ጥሰት ለመቅረጽ ሲሞክሩ በታጣቂዎች ተይዘው ላለፈው አንድ ዓመት በኢትዮጵያ ከታሰሩ በሁዋላ ሰሞኑን የተለቀቁት ስዊድናውያኑ ጋዜጠኞች ትናንት በሰጡት ጋዜጣዊ መግለጫ፤ በኢትዮጵያ እስር ቤት በእስረኞች ላይ እየተፈጸመ ያለው የሰብዓዊ መብት ጥሰት አስከፊ መሆኑን ገልጸዋል።

እነሱ  መፈታታቸው በታወቀ  ቀን  በእስር ላይ የሚገኙት  ኢትዮጵያውያን ጋዜጠኞችና ሌሎች የፖለቲካ እስረኞች  “እጆቻቸውን በካቴና የፊጥኝ እንደታሰሩ፦“ጆሀን!ማርቲን!” በማለት  በስሟቸው እንደጠሯቸው ያወሱት  ስዊድናውያኑ ጋዜጠኞች፤ ከዚያም ፦”አደራ አደራ ያያችሁትን ሁሉ ለቀሪው ዓለም ንገሩልን! አሉን” ብለዋል።

“እኛ ነፃ ጋዜጠኞች እስከሆንን ድረስ ያየነውን እንናገራለን።አደራም አለብን!” ያሉት ስዊድናውያኑ ጋዜጠኞች ፤ “ኢትዮጵያውያኑ አደራውን ሲነግሩን፤ እጆቻቸውን በካቴና እንደታሰሩ ነው።መንግስታቸው ሰብዓዊ ርህራሔ የሌለው እጅግ ጨካኝ ነው”ሲሉ ተናግረዋል።

ማርቲን ሽብዬና ጆሀን ፔርሰን በዚሁ ጋዜጣዊ መግለጫቸው ዓለማቀፉ ህብረተሰብ ኢትዮጵያውኑን  ጋዜጠኞችና የፖለቲካ እስረኞች እንዲታደግ ተማጽነዋል።

ማርቲን ሺብየንና ጆሀን ፔርሰንን ለማግኘት ያደረግነው ጥረት ባይሰሳካም፣  ጋዜጣዎ መግለጫውን የተከታተለው አቶ አህመድ አሊ ፣ መግለጫው ልብ የሚነካ እንደነበር ተናግሯል።

Advertisements

About Legesse Habtegiorgis

I wish to see democratic ethiopia.
This entry was posted in Ethiopia news. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s